Բողոքի ակցիայի վայր էր եկել ՔՊ պատգամավոր Հայկ Սարգսյանը, ում անվանական բաճկոնը ծաղրի արժանացավ քաղաքացիների կողմից։ Հայկ Սարգսյանը միայնակ չէր եկել բողոքող քաղաքացիների հետ հանդիպման։ Պարզվում է նրան ուղեկցում էին քրեական աշխարհում հայտնի Արտյոմ Կանևսկոյի մտերիմներից Ռուստամ Ստեփանյանը։
Այս անձը 2016 թվականին ՌԴ իշխանությունների կողմից մեղադրվում էր սպանություն և մարդու առևանգում իրականացնելու մեջ։ Նույն թվականին ՀՀ ոստիկանությունը Հայաստանի տարածքում հայտնաբերել էր նրան և տարածել հաղորդագրություն․«Ոստիկանության կազմակերպված հանցավորության դեմ պայքարի գլխավոր վարչության ծառայողների ձեռնարկած օպերատիվ-հետախուզական միջոցառումների արդյունքում՝ ապրիլի 13-ին հայտնաբերվել և բերման է ենթարկվել 1988 թ. ծնված Ռուստամ Ստեփանյանը, որը ՌԴ իրավապահների կողմից գտնվում էր միջազգային հետախուզման մեջ անձի առևանգման և սպանության մեղադրանքներով:
Խափանման միջոցը՝ կալանք: Հետախուզվողին հայտնաբերելու մասին տեղեկացվել է հետախուզումը նախաձեռնողին»,-ասվում էր ոստիկանության հաղորդագրության մեջ։
Մեր տեղեկություններով նա 2016-ին կարողացել է խուսափել դատարանի առաջ կանգնեցլուց և չի արտահանձնվել ՌԴ։ Հիմա նա մտերիմ հարաբերություններ ունի Հայկ Սարգսյանի հետ ու իրեն ավելի ապահով է զգում։ Ասում են նա է ապահովում նաև մի խումբ քրեականների և նոր իշխանությունների կապը։ Նա այս օրերին նաև թիկնապահություն է անում Հայկ Սարգսյանի համար։
Ի դեպ նա այս պահին էլ է գտնվում հետախուզման մեջ ՌԴ-ում։ Այս մասին տեղեկանում ենք ՌԴ ՆԳ նախարարության պաշտոնական կայքից։
